Kòrsou
 Curaçao
 

Bandera
 
Wapen
 

Himno: Himno di Kòrsou
 

Kapital
 
Willemstad
 

Stat mas grandi
 
Willemstad
 

Idioma(nan) ofisial
 
Hulandes, Papiamentu desde 2007
 

Forma di gobernashon

- Reina
 - Gobernador
 - Promé Minister
 
Demokrasia parlamentario
 Monarkia konstitushonal
 Beatrix
 Frits Goedgedrag
 Stanley Betrian
 

Teritorio di Antias Hulandes
 Statuut
 

15 desèmber 1954
 

Area
  - Total
  - Awa (%)
 
 
 444 km2 km² (n/a)
 n/a
 

Populashon
  - 2006 est.
  - Densidat
 
 
 173.400 (n/a)
 391/km² (n/a)
 

Moneda
 
Florin (Gulden) (ANG)
 

Zona di tempu
 
(UTC-4)
 

TLD di internet
 
.cw
 

Kódigo pa yama
 
+5999
 

Curaçao (òf Kòrsou, Corsou) ta un isla i un pais den Reino Hulandes den parti zùit di Karibe for di e kosta di Venezuela. E isla ta esun mas grandi i mas populá di e tres islanan ABC (ta para pa Aruba, Boneiru. Kòrsou su kapital ta Willemstad. Kòrsou a haña su Status Aparte hunto ku Sint Maarten, riba 10 di oktober 2010. E resto di isla ku ta Boneiru, Saba i St Eustatius ta munisipio di Hulanda, asina yama isla-BES.
 
Kòrsou tin un area di 444 km2 (171 mia²). Den e senso di Antias Hulandes di 2001, e populashon tabata 130.627 habitante, lokual ta nifiká un densidat di populashon di 294 habitante pa kilometer kuadrá. Den 2004 e populashon tabata aproksimadamente 133.644 habitante.
 

Kontenido
  [skonde]  1 Geografia
 2 Historia
 3 Poblashon
 4 Polítika
 5 Ekonomia
 6 Idioma
 7 Religion
 8 Edukashon
 9 Bandera
 10 Transporte
 11 Dios
 12 Linknan eksterno
 13 Referensianan
 

[editá] Geografia
 
Kòrsou ta konosí pa su ref di koral ku ta hasi e un lugá ekselente pa 'sambuyá'. E lamannan na parti zùit tin hopi lugá popular pa sambuyá. Un karakterístika eksepkional di Kòrsou ta ku e bòm di laman ta kai hundu den algun shen pia (menos ku shen meter) for di kosta, anto por yega e ref fasilmente sin boto. Nan sa yama e kaminda unda e bòm di laman ta bira hundu e "blue edge" na ingles. Laman fuerte i falta di laman santu ta hasi e kosta nort di Kòrsou peligroso pa landa i sambuyá, pero sambuyádónan avansá sa bai ku boto si kondishonnan permití. E kosta zùit ta hopi differente i ta ofresé awa remarkablemente kalmo. E kosta di Kòrsou tin yen bahia i boka, hopi di nan bon pa ankramentu. Orkan no sa pasa riba Kòrsou i e tin un klima semi-árido, manera savana. Kòrsou su flora ta otro for di vegetashon típiko di isla tropikal i e ta mas manera esei di parti zùit-ost di Merka. Varios forma di datu, mata ku sumpiña i mata ku ta keda bèrdè henter aña ta prevalente. E punto mas haltu di Kòrsou ta e Seru Kristòfel na 375 meter, na parti nort-wèst di e isla. Esaki ta den e parke reservá, Curaçao Christoffelpark, ku por eksplora ku outo, baiskel, kabai òf na pia. Tin differente ruta ku por sigui. Kòrsou tin hopi kaminda ku bo por 'hike' òf kana. Tin e saliñanan, unda flamingo ta bai pa sosegá i kome i 25 kilometer zùit-ost di Kòrsou tin e isla chikitu Klein Curaçao.
 

File:Curacao.jpg
Kòrsou
 
[editá] Historia
 

Groot Davelaar
E habitantenan original di Kòrsou tabata e indígenonan Aruaka. E promé europeanonan ku a mira e isla tabata miembronan di un ekspedishon spañó, bou di Alonso de Ojeda den aña 1499. E spañónan a desimá e Aruakanan. E hulandesnan a okupá e isla na aña 1634. E West-Indische Compagnie (WIC) a establesé Willemstad riba kantu di Schottegat. Promé, kolonista a ignorá Kòrsou pasombra e tabata falta hopi kos ku tabata interesá nan, manera depósitonan di oro. Sinembargo, e haf natural di Willemstad a proba di ta un lugá ideal pa hasi negoshi. komersio i transportashon di karaga riba barco a bira e aktividadnan ekonómiko mas importante di Kòrsou, asina Kòrsou a bin hunga un ròl importante den un di e nètwèrknan internashonal di negoshi mas kompliká den historia: e negoshi di katibu atlántiko. E WIC a hasi Kòrsou un centro pa negoshi di katibu na aña 1662. [1] Komersiantenan hulandes a trese katibu for di Afrika na lugánan yamá Asiento. Di ei nan a bende e katibunan i a hiba nan via barku na varios destinakion na Sur Amérika i den karibe. Gran kantidad di katibu tabata bendí akinan durante e periodo mas prosperoso di e negoshi. Mas despues e inglesnan i e fransesnan a okupá e isla pa un periodo kòrtiku. contribuyendo na e meskla di idiomanan riba e isla. E hulandeses a abolí sklabitut na aña 1863. Kòrsou su arkitektura ta un meskla di varios estilo kolonial hulandes i spañó. E varios otro edifisionan históriko den i rònt di Willemstad a logra buta e stat riba UNESCO su lista di herensia mundial. E isla ta yen di landhùis i kas di palo di maishi, hopi di nan tabata restorá i hende por bishita nan. Despues di abolicion di sklabitut a bin un temporada di difikultat ekonómiko, ku a pone hopi hende di Kòrsou bai biba afó, manera Cuba unda nan a traha riba plantashi di suku.
 
Ora a deskubrí zeta na Venezuela na aña 1914, e suerte di Kòrsou a kambia drástikamente. Royal Dutch Shell (promé ku esei: Koninklijke/Shell Groep) i e gobièrnu hulandes a traha un refineria ekstensivo riba e sitio bieu di Asiento, unda a bende katibu antes, ku a trese hopi trabou pa un gran parti di e populashon di e isla, i a pone ku hopi hende djafó a bin biba akinan pa haña trabou tambe. Kòrsou tabata e lugá ideal pa e refineria pasombra e tabata leu for di e desorden sosial i sivil di gran parti di Sur Amérika, pero basta serka di e depositonan di zeta di e Bahia di Maracaibo. Tambe e tin un ekselente haf natural ku por akomodá tanker grandi. E kompania a trese un pida rikesa na e isla. Hopi kas tabata trahá i Willemstad a haña un enfrastruktura ekstensivo. Sinembargo, despues di tempu a bin differensianan grandi entre gruponan soshal di Kòrsou. Disatisfakshon i tension entre gruponan soshal a resultá na protestanan grandi riba 30 mei, 1969. E desorden sivil a kousa un movementu sosial ku a pone ku e populashon lokal a haña mas influenza den e proseso polítiko. Turismo tambe a desaroyá i ku winst belasting abou, hopi kompania por a establesé nan mes akinan pa evitá reglanan rigoroso di otro pais. Den añanan 1980 Royal Shell a bende e refineria i aworaki PDVSA ta hür e serka gobièrnu di Kòrsou. E ultimo añanan aki Kòrsou ta purbando di kapitalisá riba su historia i herensia úniko pa turismo sigui ekspandé.
 

Willemstad
[editá] Poblashon
 
Debe na su historia, e isla awor ta yen di varios grupo étnico. Kòrsou awor ta parse di ta e ehèmplo ideal di multikulturalidat. Habitantenan di Kòrsou ta diverso i hopi biaha di varios orígen. Gran parti di e populashon ta afro-karibense. Esaki ta inkluí hende multi-rasial ku ta identificá nan mes como afro-caribeño. Tambe tin menoridatnan di hende hulandes, ost asiatiko, portugues i di Levant. Ainda mas, tin tambe varios imigrantenan resien di paisnan serca di Kòrsou, notablemente di Suriname, Haiti, Karibe anglofóniko, Dominican Republic, Venezuela y Colombia. Den último añanan e cantidad di pensionado hulandes a subi drásticamente.
 
[editá] Polítika
 
Kòrsou a haña un gobièrnu limità di su mes riba 1 yanüari, 1954. Apesar di esaki, hopi hende no a partisipá den e proseso polítiko te ku despues di e movementunan sosial den e último añanan '60. Den e añanan 2000 e estado polítiko di e isla tabata bou di diskushon atrobe, lokual ta trata e otro islanan di Antias Hulandes, tratando e relashon ku Hulanda i entre e islanan di Antias. Den un referèndum tené riba 8 aprel 2005, huntu ku Sint Maarten, residentenan a vota pa status aparte pafo di Antias Hulandes, manera Aruba, ningando e opshonnan pa independensia kompletu, birando parti di Hulanda, òf keda manera e ta. Dia 10 di òktober 2010 Kòrsou ta bira pais outónomo den Reino Hulandes. E ministerionan di pais Kòrsou ta nuebe na tur.
 
[editá] Ekonomia
 
E industrianan mas importante di e isla ta inkluè refinashon di zeta, turismo i "offshore banking"esta servisio finansiero internacional. Transportashon di carga riba barko i otro aktividad conectá ku e haf di Willemstad tambe ta hasi un contribucion grandi na e economia.
 
[editá] Idioma
 
Te ku awe hende sa debatí e orígen di e nòmber Curaçao, pero un splicashon ta ku e ta derivá di e palabra portugues pa 'kurason', lokual ta "coração". Sigun Joubert i van Buurt, e nòmber Kòrsou ta originá serka e kaiketionan, kende tabata ser referí den relatonan spañó manera "Indios Curaçaos". Esei ta signifiká ku kisas e poblashon aki tabata yama su mes asina. Awendia hende di otro pais sa asosiá e nòmber Curaçao ku un tipo di blou, i sa huza e como un athetivo, pasó di e likùr blou skur yamá "Blue Curaçao".
 
E idiomanan mas papiá na Kòrsou ta papiamentu, hulandes, spañó i ingles. Papiamentu ta e idioma nativo di mayoria habitante, ku hulandes, hulandes como e idiomana ofisial. Hopi papiá ta e idiomanan hulandes, ingles i spañó i ta e idiomanan nativo di basta minoridat grandi. Hulandes tabata e idioma di instrushon na skolnan for di tempu kolonial. Sinembargo, tabata tin hopi debate resien trantado e asuntu di huza papiamentu na eskol, pero tin un skol básiko i un skol di ensenansa avansa ku si ta huza papiamentu komo idioma di instrukshon kual ta kolegio Erasmo na suffisant i SKAI Erasmo (SKol Avansa Integra)
 
[editá] Religion
 
Segun e senso di 2001, mayoria habitante di Kòrsou ta katóliko (85%). Otro denominashon ta protestant, adventista i metodista. Banda di e denominashonnan ofisial kristian, tin habitante ku sa partisipá den religion di Montamentu, brua i kustumber afrikano similar na Voodoo i Santeria. Manera otro lugá den Latino Amerika, e misa Pentekostal ta birando mas popular. Tin hende Mòslim i hindú ta practica na Kòrsou tambe. Maské ta poco hende, kurasoleñonan hudiu tabatin un impakto signifikante riba historia. Kòrsou tin e kongregashon hudiu mas bieu ku ahinda ta aktivo den hinter Amérika - for di 1651 - i e snoa mas bieu di hinter Amérika ku ahinda ta huzá for di 1730.
 
[editá] Edukashon
 
Educashon na Kòrsou, como otro lugá den Antias, ta bon segun norma regional. E universidadnan prinsipal ta:
 UNA (Universiteit van de Nederlandse Antillen)
 St. Martinus University
 UDC (The University of the Dutch Caribbean)
 
Sentro Pre Eskolar 0 pa 4 aña Guia pa siña i tarea dirigi despues di skol 4 te ku 13 aña
 
Formashon di Hoben te ku 17 aña
 
ARKO-IRIS KINDEROPVANG & RAINBOW UNIQUE
 
Rondeweg z/n(nst. 14) Curacao T. 868 3113 Mail:theboardofdirectors.idif@gmail.com
 
FLEXIBELE OPVANG Buiten kantooruren op verzoek
 
[editá] Bandera
 

Bandera di Kòrsou
E bandera di Kòrsou ta azul ku un strepi hel parti abou i dos strea blanco ku sinku punta na e parti arriba. E azul ta simbolisá laman i shelu (parti abou i ariba, respectivamente), partí pa un strepi hel ku ta representá e solo. E dos estreanan ta representá Kòrsou i Klein Kòrsou, pero tambe 'amor i felisidad'. E sinku puntanan riba cada strea ta simbolisá e sinco kontinentenan for di kual Kòrsou su hendenan a bin.
 
E strepinan horizontal tin un proporshon di 5:1:2. E streanan tin diameter di 1/6 i 2/9 di e haltura di e bandera. E centro di e estrea mas chikitu ta 1/6 di e haltura, for di e rant ariba i di man robes, i e sentro di esun mas grandi ta 1/3 for di e rant ariba i di man robes. E azul ta Pantone 280, i e hel ta Pantone 102.
 
[editá] Transporte
 
Kòrsou tin un aeropuerto nashonal esei ta Aeropuerto Hato.
 
[editá] Dios
 
Terry ta e dios di korsou paso mi ta su ruman. Tur dia e ta kana ku un kara konjo buska problema ku mi bro. nos tur sa ki dia nos ta bai kas of no mario? ayera nos a chill na konjo wa:D
 
[editá] Linknan eksterno
 Sitio ofisial di Kòrsou
 www.gov.an - Portal ofisial di e gobièrnu di Antias Hulandes
 Curacao-gov.an - Sitio ofisial di gobièrnu di Kòrsou
 Curacao Tourism Board Sentro di turismo di Kòrsou
 Curaçao Hospitality And Tourism Association - Informashon riba Kòrsou su hospitalidat i industria di turismo
 Experience Curacao Sitio ofisial di e Curaçao Hotel Association
 
[editá] Referensianan
 
1.? "Historia di Kòrsou" - Sitio offishal di Gobiernu di Kòrsou.
 

 
 Antias Hulandes

Islanan grandi: Boneiru | Kòrsou | Saba | Sint Eustatius | Sint Maarten
 

Islanan chikitu: Klein Bonaire | Klein Curaçao | Green Island
 
Reino Hulandes
 

Categories: Pages with broken file links
Kòrsou
Reino Hulandes

Navigation menu

Create account
Log in
 

Artíkulo
Diskushon
 

Read
Edit
View history
 

Página Prinsipal
Portal di komunidat
Eventonan aktual
Kambionan resien
Random page
Ayudo
Donate
 

Kaha di Hèrmènt

Kiko ta link aki
Related changes
Páginanan Spesial
Printable version
Permanent link
Page information
 Cite this page
 

Na otro idioma

Afrikaans
Alemannisch
Aragonés
???????
?????????
??????????
?????????
Brezhoneg
Bosanski
Català
Cesky
Cymraeg
Dansk
Deutsch
????????
English
Esperanto
Español
Eesti
Euskara
?????
Suomi
Føroyskt
Français
Nordfriisk
Frysk
Galego
?????
Fiji Hindi
Hrvatski
Magyar
Bahasa Indonesia
Ilokano
Italiano
???
Basa Jawa
???????
???
Latina
Ladino
Lëtzebuergesch
Limburgs
Lumbaart
Lietuviu
Latviešu
??????????
?????
Bahasa Melayu
Malti
Nedersaksies
Nederlands
Norsk nynorsk
Norsk bokmål
Occitan
????
??????
Polski
Piemontèis
??????
Português
Româna
???????
Srpskohrvatski / ??????????????
Simple English
Slovencina
?????? / srpski
Sranantongo
Basa Sunda
Svenska
?????
???
Tagalog
Türkçe
??????????
????
Ti?ng Vi?t
Winaray
Yorùbá
??
??
Edit links
 
E páginá aki a wòrdu kambiá ultimo biaha riba 10 aprel 2013, ora 19:37.
Text is available under the Creative Commons Attribution/Share-Alike License; additional terms may apply. See Terms of Use for details.
Pólisa di Privasidat
Tokante Wikipedia
Deklarashon di Liberashon for di Responsabilidatnan
Mobile view